GAM3 (13) ZONE (13)

بيبو و ا / يعقوب مدير المركز المصرى الدانماركى للحوار
كابتن فادى
كابتن لبنى
اتوبيس جمعية ام كلثوم
البنات و سعادة التصوير

فى جو لطيف نوعا ما و بحضور عدد 2 تربيزة تنس طاولة من النوع الردىء و حضور استاذ محمد سرور المدير الادارى للجمعية الشباب للسكان و التنمية و ا / يعقوب مدير المركز المصرى الدانماركى للحوار و التلفزيون الدانماركى تم التدريب على ملاعب مركز شباب مدينة نصر و فى حضور 43 مشترك حيث غاب اكثر من 70 مشترك للمرة الثالثة على التوالى بسبب موسم الامتحانات
كان اهم ما فى هذا اليوم هو حضور ا / يعقوب مدير المركز المصرى الدانماركى للحوار من اجل رؤية المشروع عن قرب و قد استفسر عن المشروع و مدى نجاحه و قد اجابه عن هذه الاسئلة فى حديث مطول قليلا وليد ابراهيم مدير المشروع و ا / محمد سرور
كنا قد بدانا التدريب متاخرين 20 دقيقة بعد بعض المشاكل الادارية من قبل ادارة المركز
شهد اليوم عودة بلال بعد انتهاء موسم الامتحانات الخاص به لمساعدتى انا و عجمى فى اعمال التطوع بالمناسبة للمشروع
كنا اتفقنا على اعادة العمل بخصوص تربيزات تنس الطاولة بعد ان شعرنا انهم ليسوا على المستوى المطلوب
كما اتفقنا خلال الايام المقبلة على عمل اجتماع دورى اسبوعى لمناقشة اى تفاصيل بخصوص المشروع و الذهاب الى استاد القاهرة من اجل التحدث مع الادارة هناك حول استئجار ملعب لاقامة فعاليات
GAM3 CAMP



بيبو
يونيو2007

Interviews with the kids ( لقاءات مع الاطفال ) part (2)

بيبو و مديحة

لقاءات مع الاطفال حول رأيهم فى

GAM3

حوار مع ( مديحة عيد ) احدى المشتركين فى مشروع كرة سلة الشارع

الاسم : مديحة عيد
تاريخ الميلاد : 17/8/1993
منطقة السكن : الحى السابع – مدينة نصر

بيبو : ليه بدأت التمرينات معنا فى مشروع تحدى المدينة لكرة سلة الشارع ؟

مديحة : لانى لقيت الجو العام كويس مع انى اللعبة مش ليها شعبية كبيرة زى كرة

القدم فعشان كده حبيت العب كرة سلة لان ليا هنا اصدقاء كتير جدا بحبهم

بيبو : كم مرة بتتمرنى ؟

مديحة : مرة فى الاسبوع

بيبو : أيه احسن حاجه عجبتك هنا ؟

مديحة :المدربين و التمرينات و انا

استفدت كتير من التمرينات

و كابتن لبنى بتعملنا كويس

بيبو : ايه اللى انتى نفسك يتغير ؟

مديحة : نفسنا نتمرن اكتر من يوم

فى الاسبوع لان التمرينات

عجبانى جدا

بيبو :عملتى اصدقاء هنا ؟ازاى ؟ كام ؟

مديحة :طبعا كتير جدا جدا انا اعرف كتير

قوى هنا اكتر من 20 ولد و بنت

بيبو :لعبتى قبل كده كرة سلة او اى رياضة قبل متبتدى مع كرة سلة الشارع معانا ؟

مديحة : كنت بلعب كرة طائرة هنا فى المركز 3 مرات فى الاسبوع تقريبا

بيبو : شايفة انك هتستمرى فى لعب كرة السلة بعد انتهاء الموسم بتاعنا ؟

مديحة : طبعا هافضل العب كرة سلة فى المركز ان شاء الله

حوار بيبو

بيبو

مايو 2007

Interviews with the kids ( لقاءات مع الاطفال ) part (1)

بيبو مع عمر خالد ( تشيفتشينكو ) يا جامد
بيبو مع كريم

لقاءات مع الاطفال حول رأيهم فى

GAM3

و كانت اولجا (صحفية من الدانمارك) تحدثت معى حول امكانية اخذ بعض الحوارات و اللقاءات مع بعض المشتركين من اجل الحصول على بعض المعلومات منهم عن انطباعتهم عن المشروع و مدى تاثيره عليهم
و قد قمت بعمل اكثر من حوار مع بعض المشتركين

حوار مع (عمر خالد) (تشيفا ) احد المشتركين فى مشروع كرة سلة الشارع

الاسم : عمر خالد و اللقب تشيفا ( شبه تشفيتشينكو ) بصورة فظيعة
تاريخ الميلاد : 30/3/1997 - 10 سنوات
منطقة السكن : الحى السابع - مدينة نصر

بيبو : ليه بدأت التمرينات معنا فى مشروع تحدى المدينة لكرة سلة الشارع ؟
عمر : بدأت التمرينات لانى عايز اتمرن كرة سلة الانى بحب السلة جدا و
و نفسى افضل العبها على طول و احترف فى فريق كرة سلة النادى
الاهلى

بيبو : كم مرة بتتمرن ؟
عمر : مرة فى الاسبوع

بيبو : أيه احسن حاجة عجبتك هنا ؟
عمر : التمرينات حلوة جدا و المدربين كويسين

بيبو : ايه اللى انت نفسك تغيره ؟
عمر : انا نفسى يكون فى منافسة اكبر
من كده و مباريات بعد كل تمرين لاننا
بعد التمرين بيكون نفسنا نلعب مباراة
و ننافس بعض يعنى مبارة مع نفسنا
و مبارة نلعبها مع المدربين

بيبو: عملت اصدقاء هنا؟ازاى؟كام واحد؟
عمر : اه طبعا يمكن اكتر من 10 اصدقاء
خلال التمرينات اتكلمنا و اتصحبنا على
بعض و بنلعب مع بعض قبل و بعد التمرين

بيبو : لعبت قبل كده كرة سلة او اى رياضة تانية قبل متبتدى مع كرة سلة الشارع معانا ؟
عمر : اه طبعا كنت بلعب كرة قدم بس على خفيف مش زى كرة السلة و كنت بلعب هنا فى
المركز و كانت مرتين بس فى الاسبوع

بيبو : شايف ان انت هتستمر فى لعب كرة السلة بعد انتهاء الموسم بتاعنا ؟
عمر : نعم لانها هوايتى هافضل اتمرن فى المركز هنا و لو اتوفر بالنسبة ليا
مكان احسن هاكيد اروح ادرب فيه هناك


حوار مع (كريم محمد منصور) احد المشتركين فى مشروع كرة سلة الشارع

الاسم : كريم محمد منصور

تاريخ الميلاد : 1994

منطقة السكن : جمعية ام كلثوم للرعاية الاجتماعية

بيبو : ليه بدأت التمرينات معانا فى مشروع كرة سلة الشارع ؟

كريم : الرياضة حاجه جديدة بالنسبة الى ..يعنى تغيير كبير جدا

لانى ببقى هناك عايش فى الدار ( الجمعية ) بتفرج على

التلفزيون بس و مش بعمل اى حاجه تانى.فده بالنسبة ليا

حاجه كويسة و مفيدة جدا

بيبو : كم مرة بتتمرن ؟

كريم : مرة فى الاسبوع

بيبو : ايه احسن حاجه عجبتك هنا

كريم : الكباتن كويسيين جدا هنا و

اللعب هنا حلو برضه و مفيش اوامر

او اى حد بيشتم حد و بيصبروا علينا

و احنا بنتمرن. اول مرة جيت هنا مش

كنت بعرف العب سلة خالص لكن

الكابتن فادى ( الله يكرمه ) علمنى واحدة

واحدة و مرة على مرة بدات اعرف العب

و احسن حاجه ان هو مش بيضرب

بيبو : ايه اللى انت نفسك تغيره ؟

كريم : كل حاجه عجبانى بس المشكلة

فى الشمس و الحر

بيبو : عملت اصدقاء هنا ؟ ازاى ؟ كام واحد ؟

كريم : عملت صداقات مع الكباتن و مع بيبو

بيبو : لعبت قبل كده كرة سلة او اى رياضة تانية قبل متبتدى مع كرة سلة الشارع معانا ؟

كريم : لا عمرى ملعبت اى رياضة قبل ما اشترك مع كرة سلة الشارع معاكوا

بيبو : شايف ان انت هتستمر فى لعب كرة السلة بعد انتهاء الموسم بتاعنا ؟

كريم : اه نفسى اكمل كرة سلة هنا فى المركز لو امكن لانى حبيت اللعبة قوى

حوار بيبو

بيبو

مايو2007

GAM3 (12) ZONE (12)

الاولاد فى منتهى السعادة بالصور
مديحة تجرى بالكرة اثناء التمرين
مديحة بتعلم رويدا ازاى تتحكم فى الكرة..برافوووو
اولجا و ابتسامة ساحرة

اربعة قوائم قبل التمرين
الاولاد اثناء التمرين مع كابتن فادى
بيبو و اولجا
بيبو اثناء توزيع الوجبات
بيبو ...راب بوى

فى جو لطيف نوعا ما عن الجمعة الماضية و فى حضور 5 مدربين و 32 مشترك ( 30 ولد و بنتين فقط )( اعتذرمركز طفولتى عن الحضور بسبب موسم الامتحانات) تم مواصلة التدريبات فى جو اكثر من رائع بحضور اولجا التى جاءت من اجل الحصول على عدد من اللقاءات و الحوارات من الاطفال المشاركين فى مشروع تحدى المدينة لكرة سلة الشارع و مشاهدة المشروع عن قرب و قد سعدنا جدا بهذه الزيارة فاولجا ودودة جدا و لطيفة جدا جدا
واصل محمد عجمى هوايته المفضلة بالتسلق عاليا على السور و واصلت انا هوايتى بالتسلق على عارضة المرمى لتثبيت البانرز الخاص بالمشروع ( اللوجو ) مهمة صعبة فعلا
و اليوم 25/5/2007 هو موعد وصول ( عدد 2 تربيزة تنس طاولة ) اهداء من مشروع كرة سلة الشارع لمركز شباب مدينة نصر بجانب ال 24 كرة سلة و عدد 2 بوردات ( قوائم كرة السلة المجهزة )مع تخطيط و اصلاح ثلاث ملاعب سلة
بدء المدربين فى تعليم المشتركين بعض من الجمل و التمريرات الجديدة على طول نصف ملعب حيث يتم تناقل الكرة من لاعب الى اخر حتى الوصول الى الحلقة و من ثم التصويب عليها بالاضافة الى بعض التمرينات الاخرى و الطريف ان بنتين فقط قد حضروا نظرا لموسم الامتحانات الذى يعيشه بقية المشتركين و المشتركات
قد قمت بالتقاط صور مع اولجا و تحدثت معها حول مصر و قالت لى ان مصر رائعة و لكن لم يعجبها الزحام الشديد بمصر
بصورة تذكارية مع اولجا و توزيع الوجبات المجانية على المشتركين انتهى اليوم

بيبو
مايو2007

Special Day in (El3een Elsokhna)

رقصة على انغام ترررم لمحمود العسيلى
بيبو مع احلى بنت فى الفندق
تعبت بجد عوم و كورة و رقص و تنطيط وفى الاخر جلوس
بعد يوم شاق و نظرة من نافذة الاتوبيس

بيبو بعدسة روشا
it is amazing pic بيبو على الشط

مروة كروت - بيبو - هند نبيل
انا و مروة كروت مديرة مشروع بادر

العين السخنة -فندق بورتريه)...يوم جاااااامد)

فى جو اكثر من رائع و بمدينة السويس، تحديدا فندق بورتريه، و لمدة عدة ساعات قمنا بلاستمتاع بالمياه الدافئة و الطقس العليل و المنظر الرائع للمياه و السفن تسير فى اتجاهها الى القناة ( قناة السويس ).كنت بالفعل احتاج الى هذه الاجازة من اجل الاسترخاء التام و فك العضلات و عمل انعاش جديد لذاكرتى ..لن انسى هذا اليوم

بيبو

مايو 2007

GAM3 (11) Zone (11)

كابتن لبنى .. وحسنة فى حوار كرة سلة جانبى
الكينج سيز وليد..و التصويب على الحلقة
بيبو..و نظرة مستقبلية
كابتن هادى قبل فترة الاستراحة

عجمى يكتب بيانات المشتركين
الفتيات اثناء التدريبات
تدريبات سويدى واحماءاتوليد يشرح كيفية التصويب على الحلقة
بيبو و لحظة استمتاع بعد نهاية اليوم

فى جو شديد الحرارة و فى حضور 7 مدربين و متطوع واحد (محمد عجمى ) و 31 مشترك و فى غياب اكثر من 70 مشترك بسبب موسم الامتحانات حيث تحرص جميع العائلات على ان يبتعد اطفالهم عن اى شى يعوقهم عن المذاكرة ...حيث يفضلون ان يتوجه طفلهم الى حجرة المذاكرة بدلا من التوجه نحو التلفاز (التلفزيون ) او المذياع ( الراديو ) او الى مركز شباب مدينة نصر
بدا المران و ركز المدربين فى اعادة بعض التمرينات الاساسية لمجموعة المشتركين و قد تنوعت التدريبات ما بين تدريبات خاصة بالجرى بالكرة حول الدائرة القطرية لملعب السلة حيث قام المشتركون بالجرى حولها بالكرة من اجل تحكم اكثر بها و قام كابتن هادى بعمل تدريبات السلم على الناحيتين اليمنى و اليسرى ( حيث يقوم اللاعبون بالجرى بالكرة و التصويب على الحلقة من الناحيتين اليمنى و اليسرى ) حيث يقوم المدربون بالتركيز على كيف يقوم اللاعب بالجرى بالكرة و كيف يقوم بمسك الكرة و التحكم بها و من ثم تصويبها بطريقة صحيحة على الحلقة .. و قد قامت كابتن لبنى و شيماء بعمل بعض الاحماءات بالنسبة للفتيات ( تمرينات سويدى ) بالاضافة الى بعض التمرينات الدفاعية فى حالة مقابلة الخصم
بوجبات مجانية و سعادة غامرة باستئناف انشطة كرة سلة الشارع مرة اخرى تم الانتهاء من اليوم و لكنها نهاية رائعة بضربتى جزاء حيث قمنا انا محمد ممتاز (بيبو ) و وليد ابراهيم (مدير المشروع ) بلعب ضربتى جزاء حيث سجل وليد ضربة جزاء و اصيب اما انا فقد اضعت ضربة الجزاء بعد ان حاولت ان العبها بطريقة احترافية (بكعب رجلى )و لكنها ضاعت
هاهاهاهاهاها :):):)
بيبو
مايو2007